गावाविषयी माहिती
ग्रामपंचायत तिळगाव ही महाराष्ट्र राज्यातील पालघर जिल्ह्यातील वाडा तालुक्यातील एक प्रगतशील ग्रामपंचायत आहे.
सदर ग्रामपंचायत मध्ये तिळगाव आणि देवगाव अशी दोन महसूल गावे समाविष्ट आहेत .
१. तिळगाव ग्रामपंचायत हे पालघर जिल्ह्यातील वाडा तालुक्यात असलेले एक ग्रामपंचायत आहे, जेथे प्रामुख्याने मराठी बोलीभाषा बोलली जाते,पिनकोड ४२१३०३ आहे आणि ते वाडा तालुक्याच्या जवळ (सुमारे १५ किमी) आहे, तर जिल्ह्याचे ठिकाण पालघर सुमारे 90 किमी दूर आहे, हि ग्रामपंचायत नैसर्गिक सौंदर्यासाठी ओळखली जाते.
२. २०११ च्या जनगणनेनुसार २१६८ लोकसंख्या आहे ,हे गाव दक्षिण कोकणातील वाडा तालुक्यात येते आणि एक शांत, ग्रामीण भाग आहे, जिथे शेती आणि स्थानिक जीवनशैली आढळते.
३. जास्त प्रमाणत आदिवासी (ST)लोकवस्ती तसेच इतर मागास वर्गीय ( कुणबी OBC ) लोकवस्ती असून, वाडा तालुक्याच्या दक्षिणेकडील भागात येते आणि घनदाट जंगल व निसर्गरम्य परिसरासाठी ओळखले जाते.
मुख्य माहिती:
सन २०११ च्या जनगणनेनुसार या ग्रामपंचायत ची लोकसंख्या सुमारे २१६८ आहे. ग्रामपंचायत हद्दीमध्ये मध्ये जिल्हा परिषद प्राथमिक शाळा ५ , अंगणवाडी केंद्रे ०६ , आरोग्य उपकेंद्र १ तसेच समाजमंदिर- १ अशी शैक्षणिक व सामाजिक सुविधा उपलब्ध आहेत.
ग्रामपंचायत क्षेत्रात पिण्याच्या पाण्याच्या सोईसाठी हातपंप, विद्युतपंप , विहिरी तसेच काही ठिकाणी नळपाणी पुरवठा योजना कार्यरत आहेत,ग्रामपंचायत कार्यक्षेत्रातील तिळगांव गावात संत तुकाराम महाराज मंदिर व गावदेवी मंदिर आहे .तिथे दरवर्षी संत तुकाराम महाराज वैकुंठ गमन दिना निमित्त अखंड हरीनाम उत्सव साजरा करण्यात येतो,व देवगांव गावात हनुमान मंदिर आहे तिथे हनुमान जयंतीला कार्यक्रम घेण्यात येतात.
गावातील बहुतांश लोकांचा मुख्य व्यवसाय शेती असून शेतीला पूरक व्यवसाय म्हणून भाजीपाला ,फुले लागवड, कुकुट पालन असे छोटे मोठे व्यवसाय करतात .शेती मध्ये भात हे प्रमुख पिक घेतली जातात. तसेच हवामानानुसार व त्या त्या हंगामनुसार कडधान्य चे पिक घेतले जाते .तूर,मुग,हरभरा,वाल असे अनेक पिके घेतात.तसेच मोगरा व झेंडू लागवड हि जास्त प्रमाणात दिसून येते.
तिळगांव देवगांव ग्रामपंचायतीत विविध शासकीय योजना प्रभावीपणे राबविल्या गेल्या आहेत. घरकुल योजना अंतर्गत लाभार्थी यांना घरकुल चा लाभ मिळाला आहे. स्वच्छ भारत अभियान अंतर्गत तिळगांव देवगांव मध्ये संपूर्ण खुले शौचमुक्त (ODF प्लस) दर्जा मिळवला आहे. जलसंधारण व पाणीपुरवठा योजना अंतर्गत गावात पाणीपुरवठा नियमित करण्यात आला आहे. तसेच तंटामुक्ती गाव मोहीम अंतर्गत देखील उत्कृष्ट काम केले आहे.
ग्रामपंचायत सरपंच, उपसरपंच व सदस्य मिळून गावाचा सर्वांगीण विकास घडवून आणत आहे.
ग्रामपंचायतीचे निर्णय लोकसहभागातून घेतले जातात.
तिळगांव ग्रामपंचायत आज वाडा तालुक्यातील एक आदर्श व सर्वांगीण विकासाकडे वाटचाल करणारी ग्रामपंचायत म्हणून ओळखली जाते.
